Sonte një ‘Prime’ plot surpriza: disa familjarë do të vijnë BBVK

Vetëm pak orë na ndajnë nga fillimi i spektaklit ‘Prime’ të Big Brother VIP Kosova 3, një ngjarje që nuk duhet humbur.

Spektakli ‘Prime’ premton të sjellë sonte një sërë surprizash dhe momentesh të papritura për miliona ndjekës të këtij formati, i cili që nga fillimi ka qenë një nga më të ndjekurit në trojet shqiptare.

Një nga momentet kryesore të mbrëmjes do të jetë mbërritja urgjente e vëllait të Xhenetës nga Suedia – por mbetet për t’u parë nëse ai do të kërkojë që Xheneta të largohet nga shtëpia. Gjithashtu, gruaja e Mevlanit do të rikthehet në spektakël pasi u paraqit edhe javën e kaluar – pritet të shihet çfarë shpjegimesh dhe deklaratash do të japë ajo.

Gjatë javës së kaluar, në shtëpinë e Big Brother VIP Kosova nuk munguan debatet dhe tensionet mes banorëve, të cilat gjithashtu do të diskutohen sonte.

Spektakli do të drejtohet nga Alaudin Hamiti dhe Jonida Vokshi, ndërsa Olta Gixharri dhe Milaim Zeka do të ndajnë opinionet e tyre. Transmetimi fillon në orën 21:00 dhe do të shfaqet ekskluzivisht në Klan Kosova dhe ArtMotion, si dhe LIVE në kanalin zyrtar në YouTube të Big Brother VIP Kosova.