Kurti zhvilloi takim me drejtorin e Departamentit Evropian të FMN-së

Kryeministri i Kosovës, Albin Kurti, priti sot në takim Alfred Kammer, drejtorin e Departamentit Evropian të Fondit Monetar Ndërkombëtar (FMN). Kammer shprehu mbështetjen e vazhdueshme të FMN-së për reformat ekonomike dhe financiare të Kosovës.

Sipas njoftimit të ekzekutivit, Kurti vuri në pah arritjet e Kosovës në zhvillimin ekonomik, forcimin e demokracisë dhe sundimin e ligjit. “Ai theksoi rritjen e qëndrueshme ekonomike, reformat strukturore dhe përmirësimin e klimës së investimeve, duke ndikuar në përmirësimin e mirëqenies së qytetarëve,” thuhet në njoftim.

Alfred Kammer vlerësoi përparimin e bërë nga Kosova dhe rikonfirmoi gatishmërinë e FMN-së për të mbështetur më tej reformat në vend. Në takim morën pjesë gjithashtu shefi i stafit të kryeministrit, Luan Dalipi, dhe zyrtarë të tjerë të lartë të FMN-së.