Mike Tyson humbet ndaj Jake Paul në një ndeshje të tensionuar

Mike Tyson, legjenda e boksit, ka pësuar një humbje të papritur ndaj yllit të YouTube, Jake Paul, në një ndeshje që ka tërhequr vëmendjen e fansave të sportit anembanë botës.

Ndeshja u zhvillua në tetë runde, secila me kohëzgjatje dy minuta. Tyson, 58 vjeç, nuk tregoi agresivitetin e njohur të rinisë së tij, duke lënë hapësira për 27-vjeçarin Paul, i cili ruajti distancën dhe shfrytëzoi çdo mundësi për të dominuar.

Ngjarja ka shkaktuar shumë diskutime në rrjetet sociale, ku fansat kanë ndarë mendime të ndryshme mbi performancën e të dy luftëtarëve dhe mbi rezultatin e ndeshjes.