Mike Tyson humbet përballë Jake Paul në një ndeshje të tensionuar

Legjenda e boksit, Mike Tyson, u mposht nga Jake Paul në një ndeshje që zgjati tetë runde me nga dy minuta secila. Tyson, 58 vjeç, nuk tregoi agresivitetin e dikurshëm që e karakterizonte në rininë e tij.

Jake Paul, 27 vjeç, ruajti distancën gjatë ndeshjes, një taktikë që u ndoq edhe nga Tyson. Ngjarja u zhvillua në stadiumin AT&T në Arlington, SHBA, i cili ka një kapacitet prej 80,000 ulësesh.

Ndeshja, e cila ishte shumë e pritur, ishte planifikuar fillimisht për më 20 korrik, por u shty për në 15 nëntor për shkak të problemeve shëndetësore të Tyson. Paul deklaroi se për këtë përballje do të paguhej 40 milionë dollarë, ndërsa Tyson pritej të fitonte 20 milionë dollarë.

Gjatë peshimit para ndeshjes, Tyson i shkaktoi një shuplakë Paulit, duke shkaktuar tensione të mëtejshme. 'Të folurit mbaroi,' tha Tyson pas incidentit. Paul, nga ana e tij, pasi u godit nga legjenda e boksit, deklaroi se tani për të gjithçka ishte 'personale'.