Komunikimi i KEK pas Incidentit në Ibër Lepenc

Pas njoftimit për një shpërthim në sistemin e gypave të Ibër Lepencit, Korporata Energjetike e Kosovës (KEK) ka njoftuar se është në kontakt të vazhdueshëm me të gjithë aktorët kyç, duke përfshirë Iber Lepencin, Njësinë për Politika dhe Monitorim të Ndërmarrjeve Publike, Ministrinë e Ekonomisë, si dhe organet e rendit dhe autoritetet e tjera të përfshira.

KEK bën të ditur se po punohet për një zgjidhje sa më të shpejtë të situatës, por ende nuk disponon informacione të plota mbi detajet e ngjarjes ose afatet e sanimit.

"Do të vazhdojmë të mbajmë të informuar të gjithë palët e interesuara për çdo zhvillim të ri," theksoi KEK në një deklaratë.